श्रीवर्धनमध्ये 30 पेक्षा अधिक अवैध धंदे जोमाने सुरू! 

हफ्ता घेऊन पोलीस निरीक्षक संजय पाटील यांची होतेय जबरदस्त कमाई 

हफ्ता घेताना श्रीवर्धन पोलीसांना थोडी पण "लाज" वाटत नाही? 

अवैध धंद्यांना साथ देणारे पोलीस निरीक्षक संजय पाटील यांच्यावर कारवाई झाली तरच अवैध धंदे बंद होणार!

रायगड (निलेश महाडीक) :- श्रीवर्धन येथे अवैध धंद्यांचा धांगडधिंगा सुरू असून पोलीस निरीक्षक संजय पाटील यांना अवैध धंद्यांचा हफ्ता पोहोचत असल्यामुळे या अवैध धंद्यावर पोलीस कारवाई करीत नसल्याचे स्पष्ट होत चालले आहे. या परिसरात 30 पेक्षा अधिक अवैध धंदे असल्यामुळे येथील पोलीसांची कमाई संपूर्ण रायगड जिल्ह्यात जबरदस्त असल्याचे बोलले जात आहे.

श्रीवर्धनमधील कसबा पेठ येथे साक्षी कलेक्शनच्या समोर व्हिडिओ गेम, मटका, चिमणी पाखरं, साईड जुगार, तसेच श्रीवर्धन बस स्टँड च्या समोर मटका, श्रीवर्धन मार्केटमध्ये मटका अशी 30 ते 35 अवैध धंद्यांची दुकाने चालू आहेत. या अवैध धंद्यांकडून दर महिन्याला पोलीसांना लाखो रूपयांचा फफ्ता पोहोचत असल्यामुळे या अवैध धंद्यांविरूद्ध पोलीस कोणतीही कारवाई करीत नसल्याचे स्पष्ट होत चालले आहे. या परिसरात कायदा-सुव्यवस्था ढासळण्याची चिन्हे दिसू लागली असून अनेकांचे संसार उध्वस्त होण्याच्या मार्गावर आलेले आहेत. तरूण आणि वयोवृद्ध माणसे येथे मोठ्या प्रमाणात मटका खेळण्यासाठी येत असून या अवैध धंद्याच्या आहारी जाणाऱ्यांची संख्या दिवसेंदिवस वाढतच चालली आहे. या बेकायदा मटका जुगारामुळे महिला वर्गातून देखील नाराजीचा सूर उमटू लागला आहे. विशेष म्हणजे श्रीवर्धन परिसरात 30 पेक्षा अधिक अवैध धंदे सुरू आहेत. पण त्यांच्याकडून हफ्ता घेताना श्रीवर्धनच्या पोलीसांना थोडी पण "लाज" वाटत नसल्याचे स्पष्ट होत चालले आहे.

महाराष्ट्राचे गृहमंत्री, पोलीस महासंचालक आणि रायगड पोलीस अधीक्षक यांनी तातडीने या गंभीर समस्येची दखल घेऊन येथील मटका जुगाराविरूद्ध कारवाई करावी आणि या अवैध धंद्यांना साथ देणारे पोलीस निरीक्षक संजय पाटील यांच्यावर कारवाई करावी अशी मागणी या परिसरातून जोर धरू लागली आहे.