आदर्श आचारसंहितेच्या काटेकोर पालनासाठी राजकीय पक्षांनी सहकार्य करावे

- जिल्हाधिकारी जितेंद्र डुडी

सातारा : प्रतिनिधी :-   निवडणूक प्रक्रियेची व आदर्श आचारसंहितेचे कोटेकोर पालन करण्यासाठी आणि शांतता व सुव्यवस्था राखत पारदर्शी निवडणूक प्रक्रिया पार पाडण्यासाठी सर्व राजकीय पक्षांनी सहकार्य करावे, असे आवाहन जिल्हाधिकारी जितेंद्र डुडी यांनी केले. 

या बैठकीला पोलीस अधीक्षक समिर शेख, अपर जिल्हाधिकारी जीवन गलांडे, उपजिल्हा निवडणूक अधिकारी भगवान कांबळे, जिल्हा परिषदेचे वित्त व लेखाधिकारी राहूल कदम यांच्यासह विविध पक्षांचे पदाधिकारी उपस्थित होते.

या बैठकीत जिल्हाधिकारी श्री. डुडी यांनी निवडणूक खर्चाबाबतच्या कायदेशिर तरतुदींची माहिती राजकीय पक्षांना देवून त्याचे तंतोतंत पालन करण्याच्या सूचना दिल्या. तसेच विविध बाबींच्या दरपत्रकांवर  यावेळी चर्चा करण्यात आली.

लोकसभा निवडणूक उमेदवाराला 95 लाखापर्यंत खर्च करण्यास मुभा आहे. प्रत्येक तहसील कार्यालयांमध्ये निवडणुकीच्या अनुषंगाने उमेदवारांना आवश्यक असणारे सर्व प्रकारचे परवाने  घेण्यासाठी एक खिडकी योजना राबविण्यात येणार आहे. यासाठी सुविधा ॲप प्रामुख्याने करावा  किंवा समक्ष अर्ज द्यावेत. जिल्ह्यातील संवेदनशिल मतदान केंद्रांवर जास्तीचा पोलीस बंदोबस्त ठेवण्यात येणार आहे. सातारा लोकसभा मतदारसंघातील प्रत्येक मतदान केंद्रांची तपासणी करण्यात आली आहे. या मतदान केंद्रावर सर्व सुविधा देण्यात येणार आहे. त्याचबरोबर 50 टक्याकतहून अधिक मतदान केंद्रांवर वेब कास्टींची  करण्यात येणार आहे. याशिवायही पक्षाच्या पदाधिकाऱ्यांना आवश्यकता वाटल्यास त्यांनी मतदान सूचवावीत त्यांचेही वेब कास्टींग करण्यात येईल.