गोरेगाव - म्हसळा मार्गावर बेकायदा मटका जुगार; पोलीसांना "विनायकाचा" आशिर्वाद?

गोरेगाव पोलीसांनी "११२ इमरजन्सी सर्विस"ला मारले फाट्यावर; प्रभारी पोलीस अधिकारी विजय सुर्वे घेतात हप्ता?

रायगड (प्रतिनिधी) :-  गोरेगाव पोलीस स्टेशनच्या हद्दीत गोरेगाव-म्हसळा रोडलगत सन्मान बार च्या बाजूला विसावा हॉटेलसमोर, चिकनच्या दुकानाच्या बाजूला बेकायदा मटका जुगार सुरू असून यामुळे अनेकांचे संसार उध्वस्त होण्याच्या मार्गावर आलेले आहेत. याप्रकरणी ११२ इमरजन्सी नंबरवर तक्रार केल्यानंतरही पोलीसांनी या अवैध धंद्यावर कारवाई केली नाही. विनायक नावाच्या माणसाने हा अवैध धंदा सुरू ठेवलेला असून या परिसरात कायदा आणि सुव्यवस्था ढासळण्याच्या मार्गावर आली आहे. विनायक नावाच्या माणसाचा हा अवैध धंदा असल्याचे बोलले जात आहे. गोरेगाव पोलीस स्टेशनचे प्रभारी पोलीस अधिकारी विजय सुर्वे यांनी हप्ता घेऊन या अवैध धंद्याला पाठबळ दिले आहे का? असा प्रश्न सर्वसामान्य नागरिकांसमोर उपस्थित झालेला आहे. स्पष्टपणे दिसून येत आहे.

गोरेगाव पोलीसांच्या आशिर्वादाने हा अवैध धंदा सुरू असल्यामुळे येथील पोलीसांनी हफ्ता घेऊन या बेकायदा धंद्याला पाठबळ दिल्याचे दिसून येत आहे. या परिसरात तरूण आणि वयोवृद्ध माणसे येथे मोठ्या प्रमाणात मटका खेळण्यासाठी येत असून या अवैध धंद्याच्या आहारी जाणाऱ्यांची संख्या दिवसेंदिवस वाढतच चालली आहे. या बेकायदा मटका जुगारामुळे महिला वर्गातून देखील पोलीसांबद्दल नाराजीचा सूर उमटू लागला आहे.

महाराष्ट्राचे गृहमंत्री, पोलीस महासंचालक आणि रायगड पोलीस अधीक्षक यांनी तातडीने या गंभीर समस्येची दखल घेऊन येथील मटका जुगाराविरूद्ध कारवाई करावी आणि या अवैध धंद्याला साथ देणाऱ्या पोलीसांवरही कारवाई करावी अशी मागणी या परिसरातून जोर धरू लागली आहे.