Jay Maharashtra News 24

 यशदाच्या ‘जमीन व्यवस्थापन उत्कृष्टता केंद्रा’चा तीन दिवसीय प्रशिक्षण कार्यक्रम संपन्न पुणे : प्रतिनिधी : - यशदाच्या ‘जमीन व्यवस्थापन उत्कृष्टता केंद्रा’मार्फत दि. २६ ते २८ मार्च या कालावधीमध्ये प्रथमतःच आयोजित केलेल्या जमीन व्यवस्थापनाशी संबंधित विशेष प्रशिक्षण वर्गास भरघोस प्रतिसाद दिसून आला. महाराष्ट्र शासनाच्या ‘यशदा’ या सर्वोच्च प्रशिक्षण संस्थेमध्ये ‘जमीन व्यवस्थापन उत्कृष्टता केंद्र’ गत वर्षी स्थापन करण्यात आले आहे. सदर प्रशिक्षण वर्ग शासनाच्या अधिकारी, कर्मचाऱ्यांसह खाजगी व्यक्तींना देखील खुला ठेवण्यात आला होता. या प्रशिक्षण कार्यक्रमामध्ये जमिनींचे अभिलेख, जमीन मोजणी, रिमोट सेंसिंग तंत्रज्ञान, जमिनीचे अभिलेख डिजिटल स्वरूपात जतन करण्याचे प्रकल्प, नोंदणी प्रक्रिया व स्टॅम्प ड्युटीबाबत तरतुदी, जमिनीशी संबंधित विविध समस्या तसेच वाद सोडविण्याचे विविध संस्थात्मक मार्ग यांबाबत मार्गदर्शन करण्यात आले. प्रथमतःच आयोजित केलेल्या या प्रशिक्षण वर्गास खाजगी क्षेत्रातील कंपन्यांचे विशेषतः रियल इस्टेट कंपन्यांचे प्रतिनिधी, भारत सरकारच्या माझगाव डॉक शिपयार्ड लिमिटेड, भारत कोकिंग कोल लिमिटे...

  शिव तांडव स्तोत्र पठण कार्यक्रमातून आध्यात्मिक वारसा पुढे नेण्याचा प्रयत्न - मुख्यमंत्री देवेंद्र फडणवीस शिवतांडव स्तोत्र पठण कार्यक्रमाला उपस्थिती नागपूर : प्रतिनिधी : - शिव तांडव स्तोत्र हे शिवातील चांगल्या गुणांची स्तुती आहे. चांगल्या गुणांची स्तुती ही सकारात्मक ऊर्जा देण्यासह मनोबल उंचावण्याचे काम करते. जिथे कुठे अहंकारासारखी स्थिती निदर्शनास येते त्या अहंकाराला दूर करण्याचे मार्ग आध्यात्मात मिळतात. शिवतांडव स्तोत्राच्या अशा पठणासारख्या कार्यक्रमातून आपण सकारात्मक ऊर्जा घेतली पाहिजे, असे प्रतिपादन मुख्यमंत्री देवेंद्र फडणवीस यांनी आज येथे केले.  कामठीतील श्री महादेव घाट परिसरात आज शिव तांडव स्तोत्र पठण कार्यक्रमाचे आयोजन करण्यात आले होते. यावेळी आयोजित कार्यक्रमात मुख्यमंत्री देवेंद्र फडणवीस बोलत होते. राष्ट्रीय स्वयंसेवक संघाचे सरसंघचालक डॉ. मोहन भागवत, महसूल मंत्री तथा पालकमंत्री चंद्रशेखर बावनकुळे, आमदार परिणय फुके, माजी आमदार टेकचंद सावरकर, राजे मुधोजी भोसले आदी यावेळी उपस्थित होते.  अतिशय सुंदर असा हा कार्यक्रम आयोजित करण्यात आल्याबद्दल कामठीतील शिवराज्य प्रतिष...

 नागपुरात साकारणारे स्पोर्टस हब, आयुक्त कार्यालयासह इतर इमारती ग्रीन बिल्डींगच्या आदर्श वस्तुपाठ ठराव्यात मुख्यमंत्री देवेंद्र फडणवीस  विविध बांधकाम प्रकल्पांना मुख्यमंत्री फडणवीस यांनी पालकमंत्री बावनकुळे यांच्या समवेत भेट देऊन केली पाहणी नागपूर : प्रतिनिधी :- नव्याने उभारण्यात येत असलेल्या क्रीडा संकुलातील स्पोटस्‌ हब, विभागीय आयुक्त कार्यालय व जिल्हाधिकारी कार्यालयाचे बारा मजली असलेले ट्वीन टॉवर्स हे केवळ बांधकामातील गुणवत्तेच्या दृष्टीनेच नव्हे तर सौर ऊर्जेच्या वापरासह ग्रीन बिल्डींग म्हणून नावारुपास आले पाहिजेत. यादृष्टीने इमारतीच्या बांधकामातील प्रत्येक टप्यांवर याचा विचार करुन काळजी घेण्याचे निर्देश मुख्यमंत्री देवेंद्र फडणवीस यांनी दिले.  मानकापूर येथील विभागीय क्रीडा संकुलात साकारणारे स्पोर्टस् हब व जिल्हाधिकारी कार्यालय परिसरात उभारल्या जाणाऱ्या बारा मजली ट्विन टॉवर्स आयुक्त कार्यालय व जिल्हाधिकारी कार्यालय यांच्या बांधकामाची आज मुख्यमंत्री देवेंद्र फडणवीस यांनी प्रत्यक्ष भेट देऊन पाहणी केली. त्यांच्या समवेत पालकमंत्री चंद्रशेखर बावनकुळे, विभागीय आयुक्त विजयलक्ष...

 

 

 

  जिल्ह्यात ऑटोरिक्षा आणि मीटर टॅक्सी भाडेवाढ  १ एप्रिलपासून नवे दर लागू अलिबाग : प्रतिनिधी :-  प्रादेशिक परिवहन प्राधिकरण, रायगड यांच्या (परिचलन पद्धतीने) पार पडलेल्या बैठकीत ऑटोरिक्षा आणि मीटर टॅक्सीच्या भाडेदर वाढीला मंजुरी देण्यात आली आहे. ही वाढ दि. १ एप्रिल २०२५ पासून लागू होणार असून, वाहनचालकांना लवकरात लवकर मीटर रिकॅलिब्रेशन करण्याचे निर्देश देण्यात आले आहेत. नवे भाडेदर पुढीलप्रमाणे आहेत. मीटर टॅक्सी (CNG) प्रति किलोमीटर भाडे  १८.६६ रूपये वरून २०.६६ रूपये करण्यात आले आहे. तसेच किमान १.५ कि.मी. साठीचे भाडे २८ रूपये वरून ३१ रूपये करण्यात आले आहे. ऑटोरिक्षा (CNG) प्रति किलोमीटर भाडे १५.३३ रूपये  वरून १७.१४ रूपये  करण्यात आले आहे. तसेच किमान १.५ कि.मी. साठीचे भाडे २३ रूपये वरून २६ रूपये करण्यात आले आहे. प्रादेशिक परिवहन प्राधिकरणाने परवानाधारक आणि वाहनचालकांना आपल्या वाहनांचे मीटर त्वरित रिकॅलिब्रेशन करून घेण्याची सूचना दिली आहे. भाडेवाढ लागू झाल्यानंतर प्रवाशांनीही अद्ययावत दरानुसारच भाडे देण्याची खबरदारी घ्यावी, असे आवाहन उप प्रादेशिक परिवहन अधिकारी म...

  आदिवासी प्रतिष्ठान महाराष्ट्र राज्य सुधागड : प्रतिनिधी :- सिनर्जी फूड्स लिमिटेड च्या कर्मचारी आदिवासी प्रतिष्ठान कार्यकर्त्या मा सौ रुचिता राजेंद्र पाटील यांच्या सौजन्याने रा. जि. प.शाळा भेलीव सावे या शाळेमध्ये शालेय साहित्य परीक्षा पॅड खाऊ वाटप करण्यात आले. यावेळी आदिवासी प्रतिष्ठान संस्थापक अध्यक्ष मा.श्री.सचिन शंकर सागळे, आदिवासी प्रतिष्ठान अध्यक्ष तुषार शेडगे, सदस्य राजू शेडगे, जितेंद्र कदम, प्रमिल शिंदे, नितीन मानकर, महेश अधिकारी, दिनेश जाधव, मुख्याध्यापक मा. श्री. म्हात्रे सर, लक्ष्मण पवार सर, सागर सर, शिक्षिका म्हात्रे मॅडम, शाळा व्यवस्थापन समिती अध्यक्ष अनिल दळवी तसेच अश्विनी साठे ग्रामस्थ मंडळ भेलीव सावे तसेच आदिवासी प्रतिष्ठान सदस्य व इतर मान्यवर  उपस्थिती होते. यावेळी आदिवासी प्रतिष्ठान आणि सौ रुचिता राजेंद्र पाटील मॅडम यांचे शाळा आणि शाळा वेवस्थापन समिती च्या वतीने आभार मनन्यात आले...

 राष्ट्रीय लोक अदालतीमध्ये वादपूर्व व दाखल अशी एकूण ११ हजार १९७ प्रकरणे निकाली १६ कोटी ६० लाख १४ हजार ९६६ रुपयाची तडजोड रक्कम वसूल रायगड : प्रतिनिधी :-    दाखलपूर्व आणि प्रलंबित खटल्यांचा जलद निपटारा व्हावा आणि प्रलंबित खटले सामोपचाराने मिटावेत या हेतूने दि. २२ मार्च रोजी रायगड जिल्ह्यात आयोजित केलेल्या लोकन्यायालयात अनेक प्रकरणे निकाली काढण्यात आली असून वादपूर्व व दाखल अशी एकूण ११ हजार १९७ प्रकरणे सामंजस्याने मिटविण्यात यश आले आहे, अशी माहिती जिल्हा विधी सेवा प्राधिकरणाचे सचिव तथा न्यायाधीश अमोल शिंदे यांनी दिली आहे. राष्ट्रीय विधी सेवा प्राधिकरण, सर्वोच्च न्यायालय, दिल्ली यांच्या निर्देशाप्रमाणे संपूर्ण भारतभर राष्ट्रीय लोक अदालतीचे आयोजन करण्यात आले होते. त्यामध्ये न्यायालयांतील प्रलंबित प्रकरणे तसेच वादपूर्व प्रकरणे ठेवण्यात आली होती. रायगड जिल्ह्याचे प्रमुख जिल्हा व सत्र न्यायाधीश श्री. ए. एस. राजंदेकर यांच्या मार्गदर्शनाखाली रायगड जिल्ह्यामध्ये आयोजित केलेल्या राष्ट्रीय लोक अदालतीमध्ये रायगड जिल्ह्यातील ५२ हजार ८६० वादपूर्व प्रकरणे व १०हजार १५५ प्रलंबित अशी एकूण ६३ ...

  रायगड जिल्हा क्षयरोग मुक्त करण्यासाठी जिल्हा प्रशासन प्रयत्नशील   जिल्हाधिकारी किशन जावळे क्षयरोग मुक्त 376 ग्रामपंचायतींचा सत्कार रायगड : प्रतिनिधी :- रायगड जिल्हा क्षयरोग मुक्तीच्या दिशेने वाटचाल करीत आहे. ही अतिशय उल्लेखनीय बाब  असून रायगड जिल्हा 100 टक्के क्षयरोग मुक्त करण्यासाठी जिल्हा प्रशासन प्रयत्नशील असल्याचे प्रतिपादन जिल्हाधिकारी किशन जावळे यांनी केले. जिल्हा क्षयरोग केंद्र व जिल्हा आरोग्य यंत्रणा यांच्या संयुक्त विद्यमाने जिल्हा मध्यवर्ती बँकेच्या सभागृहात आयोजित कार्यक्रमात क्षयरोग मुक्त झालेल्या 376 ग्रामपंचायतींना जिल्हाधिकारी किशन जावळे यांच्या हस्ते महात्मा गांधी यांचे स्मृतिचिन्ह व प्रशस्तिपत्रक देऊन गौरविण्यात आले.  यावेळी ते बोलत होते.  यावेळी  मुख्य कार्यकारी अधिकारी डॉ.भरत बास्टेवाड,  जिल्हा आरोग्य अधिकारी डॉ.मनीषा विखे, प्रभारी जिल्हा शल्य चिकित्सक डॉ.निशिकांत पाटील आणि जिल्हा क्षयरोग अधिकारी डॉ.प्राची नेहूलकर, अतिरिक्त जिल्हा शल्य चिकित्सक डॉ. शितल जोशी, नॅशनल लीड डी. एफ.वाय,डॉ.श्वेता अरोरा,  क्षयरोग वैद्यकीय अधिकारी डॉ.आ...

  रोहा मधील खालचा मोहल्ला येथे अल्पवयीन मुलीचा विनयभंग रायगड : सचिन सागळे :-  रोहा येथे अल्पवयीन मुलीचा विनयभंग झाल्याची धक्कादायक घटना घडली आहे.रोहा येथील खालचा मोहल्ला, सिद्धार्थ नगर येथील अल्पवयीन मुलीचा विनय भंग केल्याची घटना काल दुपारी ३ वाजण्याच्या सुमारास घडली, मिळालेल्या माहितीनुसार, रेशनकार्ड ला आधार कार्ड लिंक करतो असे सांगून सुलतान दाऊद पानसरे (रा. खालचा मोहल्ला, रोहा) याने मोबाईलमधून अश्लील व्हिडिओ दाखवून विनयभंग केल्याची घटना घडली. त्यानंतर याबाबद जाब विचारण्यास गेलेल्या फिर्यादींना " तुमको जो उखाना है उखाड लो" अशा शब्दात धमकी दिली.  याप्रकरणी रोहा पोलीस ठाण्यात भारतीय न्याय संहिता कलम ७४, ७५(१), ७९, ३५१ (२) सह बालकांचे लैंगिक अपराधापासून संरक्षण अधिनियम २०१२ कलम ८, १२ अन्वये गुन्हा दाखल करण्यात आला आहे. पुढील तपास रोहा पोलीस ठाणे पोलीस निरीक्षक मारुती पाटील यांच्या मार्गदर्शनाखाली पोलीस उपनिरीक्षक श्री. पायक करीत आहेत.

  पंडित दिनदयाळ उपाध्याय रोजगार मेळाव्याकरीता  रायगड जिल्ह्यातील खाजगी आस्थापनांना रिक्तपदे अधिसूचित करण्याचे आवाहन  रायगड : प्रतिनिधी :-  जिल्हा कौशल्य विकास, रोजगार व उद्योजकता  मार्गदर्शन केंद्र, रायगड-अलिबाग व पातळगंगा आणि रसायनी इंडस्ट्रीज असोसिएशन यांच्या संयुक्त विद्यमाने  दि.27 मार्च, 2025  रोजी  सकाळी 10.00 ते दुपारी 02.00 या वेळेत आपल्या पातळगंगा आणि रसायनी इंडस्ट्रीज शाळा, पी 23 एम.आय.डी.सी. निवासी परिसर, मोहपाडा ता. खालापूर जि. रायगड  येथे पंडित दीनदयाळ उपाध्याय रोजगार मेळावा व मुख्यमंत्री युवा कार्य प्रशिक्षण योजना (इंटर्नशिप) उमेदवार निवड मेळावा आयोजित केला आहे. या रोजगार मेळाव्याकरीता रायगड जिल्ह्यातील खाजगी आस्थापनांना रिक्तपदे अधिसूचित करण्याचे आवाहन करण्यात आले आहे. तरी रायगड जिल्ह्यातील सर्व खाजगी उद्योजकांनी आपल्या आास्थापनेतील कुशल/अकुशल रिक्तपदे जास्तीत जास्त या    कार्यालयास कळविणेत यावीत. तसेच शासनाच्या माध्यमातून खाजगी कंपन्यातील जास्तीत-जास्त रिक्तपदे रोजगार मेळाव्यातून भरती करण्यात येणार आहे. याकरिता या वि...

  शेळ्यांच्या आखराला आग. 26 शेळ्या आगीच्या भक्ष्यस्थानी. रोहा : प्रतिनिधी :- रोहा तालुक्यातील शेडसई गावातील शेळ्यांच्या आखराला (गोठ्याला) अचानक आग लागून 26 शेळ्या आगीच्या भक्ष्यस्थानी सापडल्या. शनिवारी पहाटे 3 वाजता ही घटना घडली. यात वामन काशिनाथ मालप यांच्या 26 शेळ्या जळून मरण पावल्या. आगीचे कारण मात्र स्पष्ट झाले नाही.  रोहा चणेरा मार्गावरील शेडसई गावातील शेतकरी असलेले वामन काशिनाथ मालप शेळ्या पाळून उदरनिर्वाह करतात. त्यांच्या मालकीच्या कौलारू वाड्याला शनिवारी पहाटे ३ वा. च्या सुमारास अचानक आग लागली. या दरम्यान चणेरा परिसरातील चाकरमानी पहाटेच्या रेल्वेने मुंबईला रवाना होण्यासाठी निघाले असताना त्यांना सदर वाड्याला आग लागल्याचे निदर्शनास आले. त्यानी प्रसंगाचे गांभीर्य ओळखून शेडसई गावातील नागरिकांना ओरडून जागे केले. या घटनेची माहिती समजताच ग्रामस्थांनी घटनास्थळी धाव घेतली व तत्परतेने आग विझवण्याचा प्रयत्न केला. मात्र तो पर्यंत आगीने रौद्ररूप धारण केले होते.  आग आटोक्यात येत नसल्याने रोहा-धाटाव येथील अग्निशमन दल व सह्याद्री वन्यजीव रक्षणार्थ सामाजिक संस्थेच्या कार्यकर्त्यां...

  रेनबो प्री प्रायमरी स्कूल विंधणे येथे वार्षिक स्नेह संमेलन उत्साहात संपन्न  उरण : विठ्ठल ममताबादे :- स्वर्गीय पदूबाई महादेव जोशी सोशल अँड एज्युकेशनल सोसायटी टाकीगांव ट्रस्ट अंतर्गत स्थापन झालेल्या रेनबो प्री प्रायमरी स्कूल विंधणे येथे वार्षिक स्नेह संमेलन उत्साहात संपन्न झाला.संस्थापक/अध्यक्ष  मंगेश दामोदर जोशी यांच्या मार्गदर्शनाखाली हे स्नेह संमेलन मोठया उत्साहात संपन्न झाले.दिनांक १६/३/२०२५ रोजी संपन्न झालेल्या या कार्यक्रमाची थीम 'तरंग' अशी होती.या उपक्रमात विद्यार्थ्यांनी मोठया उत्साहात मोठया प्रमाणात सहभाग घेतला.अत्यंत खेळीमेळीच्या वातावरणात, उत्साहात हा उपक्रम संपन्न झाला.या प्रसंगी प्रमुख पाहुणे म्हणून अरुण नाईक -समाजसेवक टाकीगाव,श्रावण नाईक -समाजसेवक टाकीगाव, गोपाळ जोशी-माजी सरपंच विंधणे,अस्विथ थळी -समाजसेवक विंधणे,मधुकर नवाले - समाजसेवक विंधणे, क्रांती जोशी-माजी सरपंच विंधणे ,सूरज म्हात्रे-समाजसेवक टाकीगांव,बळीराम नवाले-माजी उपसरपंच विंधणे,जयवंत पाटील-माजी सरपंच विंधणे,शशिकांत पाटील -समाजसेवक विंधणे,संजय ठाकूर -समाजसेवक नवपाडा,रोहित नाईक-उप सरपंच विंधणे ,सिकं...

  जिल्ह्यात २० व २१ मार्चला  "ग्रंथोत्सव २०२४"  होणार साजरा अलिबाग : प्रतिनिधी :- महाराष्ट्र शासनाच्या उच्च व तंत्र शिक्षण विभागाच्या ग्रंथालय संचालनालय, मुंबई आणि जिल्हा ग्रंथालय अधिकारी कार्यालय, रायगड यांच्या संयुक्त विद्यमाने रायगड जिल्ह्यात दि. २० व २१ मार्च  रोजी "ग्रंथोत्सव २०२४" चे आयोजन महात्मा गांधी सार्वजनिक वाचनालय व ग्रंथालय, पेण येथे  करण्यात आले आहे.   यामध्ये ग्रंथप्रदर्शन व ग्रंथविक्री आयोजित करण्यात आली असून, सकाळी १० ते रात्री ८ या वेळेत वाचकांसाठी खुली असेल. या प्रदर्शनात मराठी व इंग्रजी भाषेतील कथा, कादंबऱ्या, चरित्रे, शासकीय प्रकाशने आणि स्पर्धा परीक्षांसाठी उपयुक्त ग्रंथ उपलब्ध असतील. ग्रंथोत्सव २०२४ चे उद्घाटन  गुरुवार, २० मार्च २०२४ रोजी सकाळी ११.०० वाजता होणार असून  यावेळी लोकप्रतिनिधी तसेच महाराष्ट्र राज्यातील नामवंत साहित्यिक आणि मान्यवर उपस्थित राहणार आहेत. सकाळी ९.३० वा. ग्रंथ दिंडीने कार्यक्रमाची सुरुवात होईल. दुपारी २.३० ते ४ वा.  "शब्द आमच्या सोबतीला..." या विषयावर परिसंवाद आयोजित करण्यात आला आहे. यात विविध क्...

  वरंध घाटातील अपघात ग्रस्त प्रवाश्यांची मंत्री गोगावले यांनी केली विचारपूस रायगड : प्रतिनिधी :-  महाड एसटी डेपोच्या रामदास पठार ते महाड  बस क्रमांक एम एच 20 बी एल 38 22 या एसटीला दिनांक 15 मार्च 2025 रोजी महाडच्या दिशेने परतत असताना वरंध घाटात बेबीचा गोल  ठिकाणी अपघात झाला.  या अपघातात जवळपास 18 प्रवासी जखमी झाल्याची प्राथमिक माहिती आहॆ. या सर्व जखमी प्रवश्यांची फलोत्पादन, रोजगार हमी योजना मंत्री भरत गोगावले यांनी ट्रॉमा केअर सेंटर महाड येथे भेट देऊन विचारपूस केल. तसेच जखमीवर सुरु असलेल्या उपचारांची माहिती घेतली. सर्व जखमीना ट्रॉमा केअर सेंटर महाड येथे हलविण्यात आले आहे.  त्यांच्यावर उपचार सुरू आहेत. सध्या तरी सर्वांची प्रकृती स्थिर असल्याची माहिती प्राप्त झाली आहॆ. मंत्री श्री गोगावले यांनी जखमींची विचारपूस केली आणि संबंधित डॉक्टरांकडून रुग्णांच्या उपचारासंबंधी माहिती घेतली.

  मुख्यमंत्री देवेंद्र फडणवीस यांनी घेतली पंतप्रधान नरेंद्र मोदी यांची भेट गडचिरोली माईनिंग हब, नागपूर विमानतळ, स्थानिक स्वराज्य संस्थांना वित्त आयोगाचा निधी इत्यादींबाबत सकारात्मक चर्चा नवी दिल्ली :- महाराष्ट्राचे मुख्यमंत्री देवेंद्र फडणवीस यांनी आज देशाचे पंतप्रधान नरेंद्र मोदी यांची नवी दिल्ली येथे भेट घेत, त्यांच्याशी विविध विषयांवर चर्चा केली. राज्य सरकारने गडचिरोलीत पोलाद क्षेत्रात मोठा पुढाकार घेतला असून, गडचिरोली आता देशाची स्टीलसिटी म्हणून विकसित होत आहे. यादृष्टीने गडचिरोलीला माईनिंग हब म्हणून विकसित करण्यासाठी केंद्राने सहकार्य करावे, असे देवेंद्र फडणवीस यांनी यावेळी सांगितले. नागपूर विमानतळाच्या कामाला सुद्धा गती देण्यात आली असून, त्यात केंद्र सरकारसंदर्भातील काही विषयांबाबत सुद्धा देवेंद्र फडणवीस यांनी यावेळी चर्चा केली. यामुळे विमानतळ कामातील अडसर आता लवकरच दूर होतील. स्थानिक स्वराज्य संस्थांना 15 व्या वित्त आयोगाचा निधी लवकरात लवकर मिळावा, असाही एक विषय या चर्चेत होता. या सर्व बाबतीत सकारात्मक प्रतिसाद पंतप्रधान नरेंद्र मोदी यांनी दिला. वर्ल्ड ऑडिओ, व्हीज्युअल अँड ...

  रोह्यातील जलवाहिन्यांवर पाणीमाफियांचा दरोडा; २६ गावांची पाण्यासाठी तडफड २६ गावांतील महिलांची तहसील कार्यालयावर धडक रोहा : प्रतिनिधी :- डोळ्यांसमोर बाराही महिने दुथडी भरून कुंडलिका नदी वाहत असताना तिरावरील २६ गावांमध्ये पाण्याचा ठणठणाट आहे. सत्ताधारी आणि प्रशासनाच्या नाकर्तेपणामुळे रोह्यातील जलवाहिन्यांवर पाणीमाफियांनी दरोडा टाकला आहे. त्यामुळे अपुरा त्यातच कमी दाबाने पाणीपुरवठा होत असल्याने महिलांना हंडाभर पाण्यासाठी वर्षानुवर्षे वणवण करावी लागत आहे. याविरोधात २६ गावांतील महिलांनी आज तहसील कार्यालयावर धडक देत सरकारच्या नाकर्तेपणाचा निषेध केला. पाणीटंचाईचा मार्ग निघत नाही तोपर्यंत मागे हटणार नाही, पाणीमाफियांवर कारवाई करा, अशा घोषणा देत महिलांनी बेमुदत उपोषण सुरू केले. रोहे तालुक्यातील खारापटी, झोळांबे, डोंगरी, बावेपोटगे, यशवंतखार, घोंडखार या मोठ्या गावांसह अन्य २६ गावांमध्ये वर्षातील सहा ते सात महिने भीषण पाणीटंचाई असते. डिसेंबर महिना सुरू होताच गावागावात प्रशासनाला टँकरद्वारे पाणीपुरवठा करावा लागतो. मात्र लोकसंख्येच्या तुलनेत मिळणारे पाणी तुटपुंजे असल्याने महिलांना हंडाभर पाण्य...

  कोकण विभागीय अधिस्वीकृती समिती अध्यक्ष पदी श्री. मनोज जालनावाला यांची नियुक्ती नवी मुंबई : प्रतिनिधी :- राज्य अधिस्वीकृती समितीच्या दि.०९ मार्च २०२५ रोजी झालेल्या बैठकीत अधिस्वीकृती समितीचे अध्यक्ष यदू जोशी यांनी कोकण विभागीय अधिस्वीकृती समितीच्या अध्यक्षपदी पत्रकार मनोज जालनावाला यांची निवड करण्यात येत असल्याचे जाहीर केले.  नवी मुंबई महानगरपालिकेच्या मुख्यालयातील विशेष समिती कक्षात ज्येष्ठ पत्रकार यदू जोशी यांच्या अध्यक्षतेखाली माहिती व जनसंपर्क महासंचालनालय कोकण विभागाच्या वतीने या बैठकीचे आयोजन करण्यात आले होते.      याप्रसंगी राज्याचे वनमंत्री ना. गणेश नाईक, आमदार मंदाताई म्हात्रे, नवी मुंबई महापालिका आयुक्त डॉ.कैलास शिंदे, महानगरपालिकेचे शहर अभियंता शिरीष आरदवाड हे प्रमुख पाहुणे म्हणून उपस्थित होते. तसेच राज्य अधिस्वीकृती समितीचे अध्यक्ष यदू जोशी, समितीचे सचिव तथा संचालक (वृत्त व जनसंपर्क) दयानंद कांबळे, माहिती व जनसंपर्क महासंचालनालयाचे संचालक हेमराज बागूल, छत्रपती संभाजीनगर चे संचालक किशोर गांगुर्डे, नागपूर विभागाचे संचालक डॉ.गणेश मुळे व इतर समिती सदस्य...

  अंगणवाडी सेविका आणि मुख्य सेविकांना प्रोत्साहन भत्ता  रायगड जिल्ह्यासाठी 1.14 कोटींचे अनुदान मंजूर रायगड : प्रतिनिधी :-  महाराष्ट्र राज्यात महिला व बाल विकास विभागाच्या अंतर्गत मुख्यमंत्री माझी लाडकी बहीण योजना दि. 01 जुलै 2024 पासून लागू करण्यात आली आहे. योजनेअंतर्गत पात्र महिलांचे अर्ज नारी शक्ती दूत अॅप आणि लाडकी बहीण वेब पोर्टल वरून भरण्याची जबाबदारी अंगणवाडी सेविका आणि मुख्य सेविकांना देण्यात आली होती. यानुसार रायगड जिल्ह्यासाठी रु.1 कोटी 14 लाख 83 हजार 900 इतके अनुदान मंजूर झाले असल्याची माहिती जिल्हा महिला व बाल विकास अधिकारी, रायगड-अलिबाग सुहिता ओव्हाळ यांनी दिली आहे. आयुक्त, महिला व बाल विकास, पुणे यांच्या आदेशानुसार रायगड जिल्ह्यातील अंगणवाडी सेविका आणि मुख्य सेविकांना एकूण रु.1,14,83,900 (अक्षरी एक कोटी चौदा लाख त्र्याऐंशी हजार नऊशे) रुपयांचे प्रोत्साहन भत्त्याचे अनुदान मंजूर करण्यात आले आहे. अंगणवाडी सेविका यांनी नारी शक्ती दूत अॅप आणि लाडकी बहीण वेब पोर्टल वर यशस्वीपणे नोंदवलेल्या 2 लाख 29 हाजर 184 अर्जांवर आधारित रु.50 प्रति अर्ज प्रमाणे रु.1,14,59,200/- अ...

  रोहा तालुक्यातील इंदरदेव धनगरवाडीत आगडोंब,  वणव्यात 48 घरे, ढोरांच्या गवतगंज्या आणि गुरांचे गोठे जळून खाक.  सुदैवाने जीवितहानी नाही. रोहा : प्रतिनिधी :- रोहा तालुक्यातील इंदरदेव धनगरवाडी येथे वणव्याने आगडोंब उसळला, आगीत 48 घरे, ढोरांच्या गवतगंज्या आणि अनेक गुरांचे गोठे जळून खाक झाले. गुरुवारी दि ६ रोजी दुपारी लागलेल्या वणव्यात गावातील शेतकऱ्यांची 48घरे, गवतगंज्या व गुरांचे गोठे जळून राख झाले. संपूर्ण धनगर वाडी परिसराला या वणव्याने वेढले होते. यातील सामाजिक वनीकरण विभागाने लावलेली झाडेही आगीच्या भक्षस्थानी पडली. भिषण आग पाहून अनेकांना भोवळ आली. त्यांना ताबडतोब रुग्णालयात उपचारासाठी पाठविण्यात आले. सुदैवाने कुठलीही जिवितहानी झाली नाही. रोहा तालुक्यातील दुर्गम डोंगरावर वसलेल्या इंदरदेव धनगर वाडी परिसरात ही आग आग लागली. थोड्याच वेळात याचे रूपांतर मोठ्या वणव्यात झाले. रात्री उशिरापर्यंत वणवा धुमसत होता. अग्निशमन दलाच्या दोन गाड्यांनी घटनास्थळी धाव घेऊन वणवा विझवण्यासाठी पराकाष्ठा केली. दुर्गम डोंगराळ भागात धनगर वाडी असल्याने मदत पोहोचण्यास विलंब होत होता. धनगरवाडीत आगडोंब उ...

 रायगड जिल्ह्यातील नागरिकांना उत्तम आरोग्य सुविधा देण्यासाठी शासन कटीबद्ध    मंत्री प्रकाश आबिटकर  जिल्हा सामान्य रुग्णालयाच्या सात मजली 300 खाटांच्या नवीन इमारतीचे भूमिपूजन संपन्न रायगड : प्रतिनिधी :- रायगड जिल्ह्यातील य नागरिकांना वेळेत उपचार व उत्तम आरोग्य सुविधा देण्यासाठी शासनामार्फत सर्वोतोपरी सहकार्य करण्यात येईल, अशी ग्वाही सार्वजनिक आरोग्यमंत्री प्रकाश आबिटकर यांनी दिली. जिल्हा सामान्य रुग्णालयाच्या  सात मजली 300 खाटांच्या नवीन इमारतीचे भूमिपूजन उद्योग मंत्री उदय सामंत, आरोग्य मंत्री प्रकाश आबिटकर आणि रोजगार हमी योजना व फलोत्पादन मंत्री भरत गोगावले यांच्या हस्ते झाले. यानंतर आयोजित कार्यक्रमात ते बोलत होते.  यावेळी व्यासपीठावर उद्योग मंत्री उदय सामंत, रोजगार हमी योजना, फलोत्पादन व खारभूमी विकास मंत्री भरत गोगावले, हिंगोलीचे आमदार संतोष बांगर, अलिबागचे आमदार महेंद्र दळवी, कर्जत आमदार महेंद्र थोरवे, जिल्हाधिकारी किशन जावळे, मुख्य कार्यकारी अधिकारी डॉ.भरत बास्टेवाड, जिल्हा पोलीस अधीक्षक सोमनाथ घार्गे, कार्यकारी अभियंता जगदीश सुखदेवे,  आरोग्य विभा...

    नागोठणे विभागातील असंख्य कार्यकर्ते व         मुस्लिम बांधवांचा शिवसेनेत जाहीर प्रवेश रायगड : प्रतिनिधी :- नागोठणे विभाग तसेच नागोठणे येथील मुस्लिम मोहल्यातील असंख्य कार्यकर्त्यांनी शिवसेनेचे रोहा तालुका पक्षप्रमुख ऍड.श्री. मनोज कुमार शिंदे यांच्या नेतृत्वाखाली बाळासाहेब ठाकरे शिवसेना पक्षामध्ये प्रवेश केला. पक्षप्रवेश कार्यक्रमासाठी प्रमुख पाहुणे म्हणून शिवसेना पक्षाचे नेते कॅबिनेट मंत्री मा. श्री. नाम . भरत गोगावले रोजगार हमी व फलउत्पादन मंत्री महाराष्ट्र राज्य तसेच शिवसेना जिल्हाप्रमुख प्रमोद  घोसालकर शिवसेना तालुका प्रमुख रोहा ऍड.मनोज कुमार शिंदे, शिवसेना उपतालुका प्रमुख रोहा मनोज खांडेकर,शिवसेना विभाग प्रमुख नागोठणे प्रवीण ताडकर, शिवसेना उपविभाग प्रमुख आकाश मढवी शिवसेना शहरप्रमुख  संतोष चितळकर उपस्थित होते. पक्ष प्रवेश सोहळ्यात शिवसेनेमध्ये काँग्रेसचे ज्येष्ठ कार्यकर्ते नसिम अधिकारी, भाजपाचे रोहा तालुका अल्पसंख्याक समाज माजी अध्यक्ष सौ. फातिमा सलाम सय्यद, काँग्रेसचे अल्पसंख्याक रोहा तालुका माजी अध्यक्ष तथा पत्रकार  याकुब सय्यद, ...

  नागोठणेनजीक लॉजींगमध्ये चालतोय भलताच धांगडधिंगा? तातडीने कारवाई करण्याची नागरिकांची मागणी रायगड प्रतिनिधी :- रायगड जिल्ह्यातील नागोठणे परिसरात हायवेनजीकच एका लॉजींगमधील एकूण १६ रूम्स मध्ये भलताच धांगडधिंगा सुरू असून १६ ते २५ वयोगटातील मुली/महिला येथे तोंड झाकून ये-जा करीत असल्यामुळे येथे लॉजींगच्या नावाखाली काहीतरी अनैतिक प्रकार सुरू असल्याची एकच चर्चा या परिसरात होताना दिसत आहे. येथील लॉजींग हॉटेल चालविणाऱ्यांबरोबरच हॉटेलच्या मालकांविरूद्ध कारवाई करण्याची मागणी या परिसरातील नागरिकांकडून केली जात आहे.  बाहेरून 'कॉलगर्ल' मागवून त्यांना प्रवासी म्हणून दाखवणे आणि "धंदा" करून घेणे, असाच उद्योग या लॉजिंग व्यावसायिकांनी चालविला आहे. हाफ सर्विस आणि फुल्ल सर्विस घेण्यासाठी येथे आंबटशौकीनांची मोठ्या प्रमाणात ये-जा सुरु असल्याचे दिसून येत आहे. शासनाने लॉजिंग चालविण्यासाठी कडक नियम घालून दिले. लॉजचा वापर करणाऱ्या प्रवाशांकडून ओळखपत्र घेणे सक्तीचे आहे. लॉजचा वापर कोणत्या कारणासाठी होणार आहे, याचाही उल्लेख रजिस्टरमध्ये आवश्यक असतो. परंतु असे कोणतेही नियम लॉजिंग व्यावसायिकांकडून ...